Fyrireika koppseting fyri koronu

Fyrireika koppseting fyri koronu
Enn er einki koppingarevni tøkt, men tað ræður um at vera fyrireikaður, sigur landsstýrismaðurin í heilsumálum
Ein arbeiðsbólkur verður nú settur at fyrireika koppseting fyri koronu
 
04.11.2020 - 15:14

Landsstýrismaðurin í heilsumálum, Kaj Leo Holm Johannesen, fer at seta ein arbeiðsbólk, sum skal gera eina koppsetingarætlan fyri koronu. 

Arbeiðsbólkurin skal millum annað koma við tilmælum um, hvussu farast skal fram, tá koppingarevnið er tøkt í Føroyum, eitt nú hvussu nógv skulu koppsetast, og hvør skal hava tilboðið fyrst.

Arbeiðsbólkurin verður settur í næstum, so ætlanin kann vera liðug, tá koppsetingarevnið verður tøkt, sigur Heilsumálaráðið í tíðinaskrivi.

Enn er einki koppingarevni góðkent, men føroyingar kunnu tó vænta sær tilboð um koronukoppseting í somu løtu, sum svenskt-bretski heilivágsrisin, AstraZeneca, fær góðkent sítt koppingarevni.

Nógvar royndir

Koppingarevni ímóti Covid-19 verða støðugt roynd, og ávísar heilivágsfyritøkur eru so sannførdar um síni royndarúrslit, at tær longu eru farnar undir hópframleiðslu av koppingarevni. Ein teirra er AstraZeneca.

Danski Serumstovnurin hevur gjørt avtalu við fyritøkuna um veiting av koppingarevni. Tað verður væntandi á goymslu í Danmark longu í næsta mánað. Onki koppingarevni verður tó útflýggjað, fyrr enn tað er góðkent, men verður tað góðkent, eru Føroyar tryggjaðar somu veitingartrygd sum Danmark.

Kaj Leo Holm Johannesen, landsstýrismaður í heilsumálum, vónar, at effektiv koppingarevni skjótt verða góðkend at brúka, og hann leggur dent á, at tað ræður um at vera fyrireikaður til ta tíð.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592