Landsverk: Almenn bygging ov illa fyrireikað

Almenn bygging er ov illa fyrireikað, og greitt er ikki, hvussu ein bygningur skal síggja út, og heldur ikki, hvat hann skal nýtast til.

Tað er niðurstøðan hjá stjóranum í Landsverki, nú tað vísir seg, at bygningurin til Sjóvinnustýrið í Vágum fer at kosta góðar 30 milliónir kr.

Løgtingið játtaði 13,7 milliónir kr. til bygningin í 2018, sum var um 15.000 kr. fyri fermeturin.

Tað var alt ov lítið, og nú byggingin byrjar, er fermetraprísurin góðar 34.000 kr., meir enn tvífalt so nógv sum upprunaliga ætlað.

- Viðurskiftini mugu vera greiðari frá byrjan, sigur Sigurd Lamhauge, stjóri á Landsverki.

Hoyr innslag í útvarpstíðindunum.