Verkætlanir verða betur fyrireikaðar

Landsverk fer at leggja doyðin á, at almenn bygging verður betur fyrireikað, so tað verður lættari hjá tingfólki at taka støðu til uppskot um byggiverkætlanir.

Tað sigur stjórin á Landsverki, eftir at Fíggjarnevndin hevur átalað, at neyðugt er at játta næstan 71 milliónir kr. til H-bygningin á Landssjúkrahúsinum, fyri at byggja bygningarnar saman.

Fíggjarnevndin sigur seg undrast stórliga á, at prosjektering og kostnaðarmeting fyri samanbindingina ikki er tikin við í upprunaligu ætlanini, tá H-bygningurin varð prosjekteraður, tí eyðsæð er, at ein samanbinding mátti vera. Staðfestast kann bara, at so er ikki, og tað heldur nevndin vera átaluvert.

Tað tekur Sigurd L Lamhauge, stjóri á Landsverki til eftirtektar, sigur hann.

Hoyr innslag í útvarpstíðindunum.