Óheppið, men ikki óvæntað

Donsku heilsumyndugleikarnir gevast at brúka koppingarevni frá Johnson&Johnson.

– Tað er óheppið, men ikki óvæntað, sigur Hjalti Gunnarstein, landsapotekari.

Fyri sløkum mánaði síðani var koppingarevnið frá AstraZeneca eisini tikið úr donsku koppingarætlanini.

– Enn er ov tíðliga at siga, hvussu nógv koppsetingarætlanin hjá okkum verður útsett, sigur Hjalti Gunnarstein.

Hóast koppingarevnini frá Johnson&Johnson og AstraZeneca eru tikin úr nýtslu í Danmark, verða tey kortini brúkt.

Politikarar í Fólkatinginum hava gjørt av at gera skipan, har fólk sjálvboðin kunnu verða koppsett við Johnson&Johnson ella AstraZeneca. 

Hoyr innslag í útvarpstíðindunum.

Koppingarevnið frá Johnson&Johnson er nú eisini tikið úr donsku koppsetingarætlanini, men politikararnir ætla, at tað skal vera sjálvboðið at brúka Johnson&Johnson ella AstraZeneca.