Fingu forboð at gera frystivørur longu í 2018

Fiskavirkið Sjógæti við Norðskála fekk longu í oktober í 2018 forboð fyri at framleiða frystar vørur til matna.

Tað vísir eitt innlit, sum Kringvarpið hevur fingið í samskifti millum Heilsufrøðiligu Starvsstovuna og Sjógæti við Norðskála.

Innlitið vísir eitt drúgt samskifti millum partarnar, har Heilsufrøðiliga Starvstovan til fánýtis hartar virkið fyri vantandi kanningar, vantandi reinføri og brot á matvørulógina í eitt longri tíðarskeið, sum byrjar í 2017.

Vit hava roynt at fáa eina viðmerking frá stjóranum í Sjógæti, Hans Mariusi í Byrgi, men tað hevur ikki eydnast.

Sjógæti hevur søkt um at at fáa løggildingina aftur. Tað váttar Heilsufrøðiliga Starvsstovan fyri útvarpinum í dag.

Hoyr innslag í útvarpstíðindunum.