Bíleggingarskipanin hoknaði undir trýstinum

Klokkan trý seinnapartin skuldi heimasíðan, har til ber at bíleggja koppseting fyri koronu, lata upp.

Men so nógv trýst var á skipanina beinanvegin, at hon gjørdist óvirkin.

Tummas í Garði, læknastjóri, sigur, at brekið er funnið, og bíleggingarskipanin fer at lata uppaftur um ein tíma ella so.

Nú kunnu tey, sum eru 16 ár og eldri, bíleggja sær tíð til koppseting.

Hoyr samrøðu við Tummas í Garði í útvarpstíðindunum.