- Tíðindi, mentan og ítróttur
Maskinskaði gjørdi, at Hasfjord bar við land
06.06.2021 - 14:45
Innlendis›Samfelag
Maskinskaði gjørdi, at Hasfjord bar við land
Orsøkin til, at Hasfjord bar við land í Skopun hósdagin, var, at skoliluftsblásarin á motorinum fór
Mynd: Landsverk
Tá ið skoliluftblásarin fór, slóknaði motorurin, og tað bar ikki til at stýra skipinum, sigur Jóhan Petur Abrahamsen, rakstrarleiðari á Strandfaraskipum Landsins.
Jóhan Petur Abrahamsen vísir á, at mekaniskir feilir kunnu koma fyri av og á, og av tí at Hasfjord bara hevur ein motor, so rakar tað harðari enn á øðrum skipum hjá Strandferðsluni.
Fólk frá skipasmiðjuni Mest eru saman við manningini á Hasfjord í gongd við at umvæla blásaran. Skipið skal eisini royndarsiglast, áðrenn tað fer í rutusigling aftur. Nær tað verður er ógreitt enn.
Tak niður
Sí eisini
Nýggjastu sendingar í ÚV
Nýggjastu sendingar í SV