Hvílutíð er altjóða krav

09.06.2021 - 18:00
AktueltPolitikkur
Hvílutíð er altjóða krav
ILO hevur samtykt at fáa heimsins lond at seta hvílutíðina í verk, sigur Helgi Abrahamsen, landsstýrismaður
Helgi Abrahamsen er landsstýrismaður í arbeiðsmarknaðarmálum

Tak niður

Hvílutíð hjá fiskimonnum er eitt altjóða krav, sum Føroyar hava bundið seg til at halda. Løgtingið hevur samtykt lógina, og tí er neyðugt at gera kunngerðir.

Tað sigur Helgi Abrahamsen, landsstýrismaður í arbeiðsmarknaðarmálum.

Tað er altjóða arbeiðarafelagskapurin, ILO, sum arbeiðir fyri betri viðurskiftum hjá fiski- og sjómonnum, sum hevur samtykt at fáa heimsins lond at seta hvílutíðina í verk.

Undan broytingunum í sjómannalógini, var galdandi, at manningin á fiskiskipum hevur, tá ið viðurskiftini ikki gera tað ógjørligt, rætt til átta tímar hvíld um samdøgrið, harav skulu sek tímar av hesi hvíld vera óbrotnir.

Á trolarum eigur manningin rætt til seks tímar vaktarskifti. Undantak kann í einstøkum førum verða gjørt, tá ið meirilutin av manningini kemur ásamt við skiparan um hetta.

Kann verða býtt í tvey

Nú eru meginreglurnar, at hvílutíðin hjá sjófólki, 18 ár og eldri, skal í minsta lagi vera 10 tímar í einum arbeiðssamdøgri. Hvílutíðin kann í mesta lagi verða býtt í tvey hvílutíðarskeið, har annað í minsta lagi skal vera 6 tímar.

Tað kunnu í mesta lagi vera 14 tímar millum tvey fylgjandi hvílutíðarskeið. Samanlagt skal hvílutíðin í einari viku í minsta lagi vera 77 tímar.

Ein undantaksregla er sett í gildi, sum sigur, at við fyrivarni fyri heilsu og trygd hjá sjófólkunum umborð, kann verða vikið frá hvílutíðini, tá ið fiskiskapur ella hagreiðing av tí veidda gera tað neyðugt.

Hoyr samrøðu við Helga Abrahamsen í útvarpstíðindunum.

 
Er kopiera
Nýggjastu sendingar í ÚV
Mánadag 14. juni
Nón 14. juni 2021
125435
Mánadag 14. juni
Eingin tekur KÍ
125431
Mánadag 14. juni
Ítróttafólk kunnu eisini fáa slysni
125417
Mánadag 14. juni
Góðan morgun Føroyar 14.06.2021
125403
Mánadag 14. juni
Morgunlestur mánadagur 14. juni 2021
125336
Nýggjastu sendingar í SV
Sunnudag 13. juni
Harmonikutreff í Vesturkirkjuni.
125390
Sunnudag 13. juni
Andakt við Jóhannesi Miðskarð
125389
Leygardag 12. juni
Video: 5mf dreingir, Fjarðastevna 2021
125373
Leygardag 12. juni
Video: 5mf gentur, Fjarðastevna 2021
125369
Leygardag 12. juni
Video: 10mf, Fjarðastevna 2021
125370