Norðurlandahúsið einki útlit til størri játtan

01.07.2021 - 18:29
InnlendisPolitikkur
Norðurlandahúsið einki útlit til størri játtan
Jenis av Rana, landsstýrismaður í mentamálum, hartar Norðurlandaráðnum fyri ætlaðu sparingarnar, sum raka Norðurlandahúsið. Men hann vil tó ikki lova størri føroyska játtan
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Sparingarnar í Norðurlandahúsinum fara at raka viðlíkahaldið av bygninginum
Mynd: Savnsmynd  

Norðurlendska Ráðharraráðið arbeiðir framímóti, at Norðurlond skulu verða mest burðadygga økið í heiminum í 2030.

Tí verða sparingar framdar á mentanarøkinum og á útbúgvingarøkinum fyri at hava pening til grøna orkuskiftið.

Sparitiltøkini raka Norðurlandahúsini, og Norðurlandahúsið í Føroyum skal spara tríggjar milliónir í fýra ár.

 

Jenis hevur mótmælt

Jenis av Rana, landsstýrismaður í mentamálum, sigur, at hann í fleiri umførum hevur roynt at sannført Norðurlendska Ráðharraráðið um ikki at fremja so ógvusligar sparingar.

Gunn Hernes, stjóri í Norðurlandahúsinum í Føroyum, sigur, at sparingin fer at raka virksemið í húsinum, og helst mugu færri tiltøk haldast.

Almennu Føroyar lata 1,7 millión til Norðurlandahúsið, og Gunn Hernes sigur, at ein stórur partur verður brúktur til viðlíkahald.

 

Fara at venda sær til politikararnar

Norðurlandahúsið fer helst at venda sær til politikarnar um fleiri pengar.

Jenis av Rana harmast um, at ein møgulig sparing kann raka viðlíkahaldið av Norðurlandahúsinum. Almnennir bygningar eru ofta ikki væl hildnir, og har er Norðurlandahúsið eitt undantak.

Men Jenis av Rana kann ikki lova, at Norðurlandahúsið fær størri játtan.

 
Er kopiera
Nýggjastu sendingar í ÚV
Mikudag 23. juli
Morgunlestur mikudagur 23. juli 2025
194846
Týsdag 22. juli
Morgunlestur týsdagur 22. juli 2025
194833
Mánadag 21. juli
Poppverturin
194207
Nýggjastu sendingar í SV
Týsdag 22. juli
Veðrið
194844
Leygardag 19. juli
Video: 10 Mannafør á Vestanstevnu 2025
194738