Frítekst tagging:
- Tíðindi, mentan og ítróttur
Enn ein møguleiki at hoyra Eivør framføra "ENN"
Enn ein møguleiki at hoyra Eivør framføra "ENN"
Eivør á palli á ársins G! festivali, har hon eisini spældi nógvar av nýggju sangunum á "ENN"
Mynd: Bjarni Árting Rubeksen
19.08.2024 - 16:27
Í juni í ár gav Eivør plátuna "ENN" út, og í sambandi við útgávuna fer Eivør við bólki á umfatandi konsertferð, har tey skulu spæla heili 38 konsertir.
Fyrstu konsertirnar verða í Norðurlandahúsinum 30. og 31. august, og talan verður um standikonsertir, har Jógvan Joensen hitar upp. Nøkur sitipláss eru í Klingruni, og fólk við serligum tørvi kunnu venda sær til Norðurlandahúsið fyri at bíleggja sitipláss.
Aftaná konsertirnar í Norðurlandahúsinum, gongur leiðin til Íslands og so víðari út í heim. Vitjað verður í Evropa, Nýsælandi og Avstralia, og í byrjanini av 2025 verður eisini farið til USA, umframt at Evropa verður aftur á skránni í 2025.
Í sambandi við upptøkuna av "ENN" var myndamaður Kringvarpsins, Bjarni Árting Rubeksen, í Studio Bloch, ið nú er farið í søguna, og avmyndaði upptøkurnar.
Framúrskarandi myndarøðin kann síggjast á "Í myndum" her á heimasíðun Kringvarp Føroya.
Eivør var gestur í sendingini LEITISSTEIN í sambandi við, at "ENN" kom út, har hon frumspældi alla plátuna og tosaði um sangirnar og tilgongdina við at skapa "ENN".
Mynd: Bjarni Árting Rubeksen
LEITISSTEIN-sendingin, har Eivør er gestur, kann hoyrast á KVF Ljóð.
Er kopiera
Nýggjastu sendingar í ÚV
Nýggjastu sendingar í SV
