Ákærin vónbrotin - Verjin hevði ikki væntað annað

26 ára gamli maðurin, sum var ákærdur fyri dráp, er í morgun fríkendur í nevningartinginum.

Fleiri av áhoyrarunum brustu í grát, tá ið dómarin las, at maðurin var fríkendur.

>>LES DÓMIN HER

Ákæruvaldið ákærdi mannin fyri um náttina 20. november 2012 at hava dripið 16 ára gomlu Mariu Fuglø Christiansen við á ógreiðan hátt at hava kastað ella skumpað hana á sjógv, fyri síðani at vera farin frá henni, so at hon druknaði.

Dómsviðgerð var í málinum fyrr í vikuni, og síðan tá hava nevningarnir tikið støðu í málinum.

Michael Boolsen var ákæri, og hann var vónbrotin. 

Karina Skou var verji, og hon var ikki bilsin av frídømingini. 

Maðurin hevur sitið í átta ár um eina viku, og verður tískil latin leysur um eina viku.