Festivalar fáa pengar fyri at avlýsa

Í fleiri mánaðir hava føroysku tónleikafestival fyriskipararnir roynt at fingið greið boð frá myndugleikunum um, hvørt teir kunnu halda festival í ár ella ikki. 

Hetta vísti Rúni Djurhuus frá Voxbotn-tónleikatiltakinum millum annað á í Degi og viku í síðstu viku. Tað sama hevur G! festivalurin eisini gjørt, segði Sigvør Laksá, G!-stjóri. 

Men nú kemur Bárður á Steig Nielsen, løgmaður, sum ketta úr høvdatrogi í tólvta tíma, og bjóðar sær til at endurrinda tónleikafestivalunum tær útreiðslur, sum teir hava av at avlýsa festivalin - eina viku áðrenn G! festivalurin eftir ætlan skal byrja.

Hetta hendir nú 33 smittutilburðir hava verið í tríggjar dagar.

Fyrireikararnir av Gfestivalinum fara at viðgera støðuna, og nú seinnapartin frætta vit frá teimum.

HOYR SAMRØÐUNA VIÐ BÁRÐ Á STEIG NIELSEN