Sýslumaður: Gekk væl at halda grindini til

Í morgun komu grindaboð úr Sandvík, har fólk á landi sóu eina grind inni á víkini. Sandvík er ikki góðkend hvalvág, og tí varð avrátt at reka grindina á Hvalba. 

Eitt sindur óvanligt, so varð avgjørt at halda grindini til á sandinum úti í Nesi í Hvalba. 

"Vit royndu at royna sandin úti í Nesi, sum góðkend hvalvág, og tað riggaði væl," sigur Jaspur Vang, sýslumaður. 

Grindin var 80 til 100 hval. 

HOYR SAMRØÐUNA VIÐ JASPUR VANG, SÝSLUMANN. 

77 hval doyðu í Sandavági

77 hval doyðu í grindini í Sandavági í gjár.

Hon var 567 skinn og varð býtt í drápspartar, sum vóru 438.

Parturin var knappliga eitt skinn.

Nakrir stovnar fingu eisini burturav.