Vestergaard: "Eg gangi ørindi fyri tjóðina"

Fer alt rætt fram, nú føroysk uppsjóvarskip fiska av øllum alvi fyri at fáa hækkaðu makrelkvotuna til høldar í ár?

Tað er kjarnin í teimum spurningunum, sum Vinnunevndin í morgun spurdi Jacob Vestergaard, landsstýrismann í fiskivinnumálum, eftir at hann bleiv kallaður í samráð í nevndini.

Serliga hava spurningarnir snúð seg um støðurnar, har uppsjóvarskip í altjóða sjógvi hava tikið og latið makrel millum hvørt annað.

Ein støða, sum hevur gjørt, at Vørn ætlar at taka loyvi frá trimum skipum hjá Varðanum til at taka og lata makrel í føroyskum sjógvi í eina viku.

Men landstýrismaðurin sigur, at fiskiskapurin er nóg væl skipaður, hóast hann í dag fer at koma við nýggjari kunngerð, sum loyvir skipunum at taka og lata makrel soleiðis, sum tey meta vera mest skynsamt.

HOYR SAMRØÐUNA VIÐ JACOB VESTERGAARD, LANDSSTÝRISMANN Í FISKIVINNUMÁLUM.