Farmaflogfelag skal flúgva laks til USA

20.07.2021 - 13:00
AktueltVinna
Farmaflogfelag skal flúgva laks til USA
Nýstovnaða farmaflogfelagið hjá Bakkafrosti fer at flúgva laks til USA og møguliga eisini til Asia. Tað sigur Símin P. Jacobsen, sølu- og marknaðarstjóri í Bakkafrosti.
Tað er serliga laksaútflutning til USA, sum nýggja farmaflogfelagið hjá Bakkafrosti fer at leggja seg eftir
Mynd: Savnsmynd  

Nýstovnaða farmaflogfelagið hjá Bakkafrosti fer at flúgva farm til USA og møguliga eisini til Asia. Tað sigur Símin P. Jacobsen, sølu- og marknaðarstjóri í Bakkafrosti.

Bakkafrost hevur eisini aling í Skotlandi, og har stinga somu trupulleikar seg upp, sum teir í Føroyum.

Alifyritøkan brúkar vanliga ferðafólkaflogfør at flyta farm, men serliga hetta seinasta hálvtannað árið hava tað verið trupulleikar at fingið nokk av plássi við flogførum. Tað hava verið ov fá flogfør, sum hava flogið. og harafturat er flutningskostnaðurin í flogførunum farin rættiliga nógv upp.

 

Hava framleiðslu í USA

Bakkafrost hevur eisini eina framleiðslu í USA, í New Jersey. Ætlanin er at taka laks við flogfari úr Føroyum til ta framleiðsluna.

"Fyri at tað skal geva meining at flúgva við hesum nýggja farmaflogfelagnum, kann mann rokna við, at flogið verður hvørja viku," sigur Símin P. Jacobsen.

Ætlanin er at fáa fiskin beinleiðis úr Føroyum til kundan, so skjótt sum til ber, fyri at fiskurin skal vera so feskur sum til ber, tá kundin fær hann.

Hann væntar ikki at flogið verður til Evropa, tí har er gott samband við skipið, og fjarstøðan úr Føroyum til Skotlands er so lítil. So tað verður allarhelst flogið til støð, sum eru longur burtur, sigur Símin P. Jacobsen.

HOYR SAMRØÐUNA VIÐ SÍMIN P. JACOBSEN

 
Er kopiera

Tak niður

Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699