Landsstýrismaðurin vil hava frágreiðing frá sjúkrahúsleiðsluni

Leiðslan í Sjúkrahúsverkinum má koma við einari frágreiðing, hví hon í tveimum førum hevur keypt tænastur og arbeiði fyri meira enn eina millión kr., uttan at tey eru boðin út.

Tað sigur Kaj Leo Holm Johannesen, landsstýrismaður í heilsumálum.

Málini snúgva seg um at menna talgilt koronupass og at skifta vindeygu í tveimum bygningum á Landssjúkrahúsinum.

Atli Suni Leo, deildarleiðari í Fíggjarmálaráðnum, hevur sagt, at sambært einum rundskrivi skulu arbeiði, sum kosta meira enn 500.000 kr., bjóðast út.

Hoyr innslag í útvarpstíðindunum.