Høgni Hoydal: Avtalan er stórt afturstig fyri Føroyar

Høgni Hoydal, formaður í Tjóðveldi, og Christian Andreasen, formaður í tingbólkinum hjá Fólkaflokkinum, eru ósamdir um avtaluna um samstarvsráðið, sum løgmaður vegna Føroyar skrivaði undir á Christiansborg í gjár.

Høgni Hoydal sigur, at avtalan er eitt risa afturstig fyri Føroyar, og hann finst at løgmanni fyri ikki at hava fingið heimild frá løgtinginum frammandan at skriva undir avtaluna. Høgni Hoydal sigur, at føroyskur politikkur eru nú latin dønum upp í hendur.

Christian Andreasen sigur, at talan er um uttanríkispolitikk, ið Føroyar ikki hava yvirtikið enn, og tí fegnast hann um, at Føroyar nú verða hoyrdar í hesum sambandi.

- Hetta er eitt stig á rætta leið, sigur Christian Andreasen.

Høgni Hoydal og Christian Andreasen vóru í Breddanum í útvarpinum fyrrapartin.

Christian Andreasen, Fólkaflokkurin