Tjóðveldi stillar upp til fólkatingsvalið

Tjóðveldi stillar upp til komandi fólkatingsval.

Tað var avgjørt á flokstingi í gjárkvøldið.

Meirilutin fyri tí, altso at stilla upp, var størri hesaferð enn hann plagar at vera, sigur Høgni Hoydal, floksformaður.

Men onkur var tó ímóti at stilla upp.

Flokstingið hevur givið aðalstjórn floksins heimild til at gera ein lista til fólkatingsvalið. Økisfeløgini og Unga tjóðveldi senda uppskot um valevni.

Á fólkatingsvalinum í 2019 vóru 13 fólk á listanum hjá Tjóðveldi.

Okkurt um 100 fólk vóru á floktinginum hjá Tjóðveldi í gjárkvøldið.

Nú er greitt, at allir flokkar í Føroyum, uttan Sjálvstýri, stilla upp til komandi fólkatingsval.