- Tíðindi, mentan og ítróttur
Bensinprísurin ikki verið so høgur síðani 2012
![](https://kvf.fo/sites/default/files/styles/news_xtra_xtra_large/public/magn_a_fraelsinum-3.jpg?itok=DvjGIrI9)
Oljuprísurin er nógv ávirkaður av, at lond hava latið uppaftur eftir koronufarsóttina.
Orsøkin er, at eftirspurningurin eftir olju er nógv øktur síðani koronufarsóttina, meðan útboðið stendur í stað. Hetta ger, at eisini oljuprísirnir í Føroyum fara uppeftir, sigur Leif Hovgaard, sølustjóri í Magn.
Í løtuni kostar ein litur av bensini 11 krónur í Magn.
Leif Hovgaard sigur, tað vera torført at sammeta við onnur ár, men í 2014 kostaði bensinið 10,89 krónur fyri liturin, í 2012 kom bensinið upp á 11,65 krónur fyri liturin, og støðan var nakað tann sama í 2008.
- Vanligt er, at tá oljuprísurin fer upp, fellur dollarin, men soleiðis er ikki í hesum føri. Virðið á amerikanska dollaranum er nevniliga óvanliga høgt. Dollarin er nógv hægri nú, enn hann var í 2014 og í 2012, og hetta hevur týðandi ávirkan á bensinprísirnar, vit síggja her í Føroyum, sigur Leif Hovgaard, sølustjóri í Magn.
HOYR SAMRØÐUNA VIÐ LEIF HOVGAARD Í ÚTVARPINUM.
Tak niður
Sí eisini