Flogskiparafelagið undrast á starvssetan í AA

Flogskiparafelagið undrast á, at fýra stýrimenn við færri royndum og nærum ongum starvsaldri eru settir í starv hjá Atlantsflogi.

Teir 17 uppsøgdu flogskipararnir í Atlantsflogi sluppu ikki tilsetanarsamrøðu, tá flogfelagið søkti eftir stýrimonnum herfyri.

Stýrimenninir, sum eru settir, hava starvast í flogfelagnum fyrr.

19 flogskiparar vóru sagdir úr starvi á sumri í fjør, men tveir teirra fingu seinni starvið aftur.

Rúni Højgaard, formaður í Flogskiparafelagnum, heldur, at Atlantsflog í hesum føri hevur ikki virt trúfesti, drúgvan starvsaldur og royndir.

Niels Mortensen, nevndarformaður í Atlantsflogi, vissar um, at setanartilgongdin er farin rætt fram. Atlantsflog heldur seg til altjóða krøv, sum verða sett, sigur hann.

Hoyr innslag í útvarpstíðindunum.

Niels Mortensen