- Tíðindi, mentan og ítróttur
Royna enn at finna semju
Royna enn at finna semju
Fyri páskir slitnaðu samráðingarnar millum Flogskiparafelagið og Føroya Arbeiðsgevarafelag. Semingsstovnurin var boðsendur, og seinnapartin fer hann at boða pørtunum á fund.
Enn er eingin semja funnin millum flogskipararnar og arbeiðsgevarafelagið, sum Atlantic Airways er í.
13.04.2023 - 10:20
Seinni í dag fer Semingsstovnurin at lata Flogskiparafelagnum og Føroya arbeiðsgevarafelag tilfar um ávegis semingsuppskot.
Samráðingarnar millum flogskiparar og arbeiðsgevarafelagið, sum Atlantic Airways er í, slitnaðu fyri páskir, og Semingsstovnurin var boðsendur.
Semingsroyndin, sum er á hotel Brandan í Havn, byrjaði týsmorgunin.
Terji Sigurðsson, semingsmaður, sigur, at í løtuni eru partarnir ikki saman.
Men seinni í dag fer Semingsstovnurin at boða pørtunum á fund og lata teimum tilfar at taka støðu til.
Sáttmálin, sum var, kom í 2019. Hann vardi til 1.apríl í ár.
Er kopiera
Nýggjastu sendingar í ÚV
Nýggjastu sendingar í SV
