Edmund Joensen: Høllin verður fyri allar føroyingar

06.12.2021 - 18:00

Innlendis›Samfelag

Føroysku fólkatingsmenninir hava fingið 30 mió. kr. á donsku fíggjarlógini til stórhøll í Hoyvík

Aktivera javascript

Edmund Joensen og Sjúrður Skaale, fólkatingsmenn, hava fingið 30 milliónir kr. á donsku fíggjarætlanini næsta ár til Føroya Arena, sum ætlanin er at byggja í Hoyvík.

Føroya Arena er komið eitt fet nærri veruleikanum, eftir at fólkatingslimirnir, Edmund Joensen og Sjúrður Skaale, hava fingið 30 milliónir kr. settar av til verkætlanina á donsku fíggjarlógini.

Edmund Joensen sigur, at hetta verður ein høll fyri allar føroyingar, og ætlaða staðsetingin hevur eisini týdning. Tí hildu báðir fólkatingsmenninir, at hetta er eitt mál, sum er vert at arbeiða fyri.

Haraftrat er verkætlanin um Føroya Arena komin longur enn ætlanin um stórhøll á Strondum, sigur Edmund Joensen.

Hoyr innslag í útvarpstíðindunum.