Biður um 7,5 mió. kr. aftrat til koronukanningar

Trýstið á koronukanningarnar er somikið stórt, at landsstýrismaðurin í heilsumálum aftur noyðist at biðja løgtingið um fleiri pengar at lata heilsuverkinum til endamálið.

Við triðju viðgerð av eykajáttanarlógini fyri oktober bað Heilsumálaráðið fíggjarnevndina hjá løgtinginum um 18,3 milliónir krónur aftrat til koronukanningar í hesum árinum.

Men meirilutin í fíggjarnevndini vildi bara játta 12 milliónir krónur.

Og teir pengarnir eru nú um at vera uppi.

Kaj Leo Holm Johannesen, landsstýrismaður í heilsumálum, biður tí um fleiri pengar, hesaferð 7,5 milliónir krónur.

Hoyr samrøðubrot við landsstýrismannin.