Flutningsfeløg: Prísurin skal niður ímóti 200 krónum hvønn veg

Teitur Samuelsen, stjóri í Eystur- og Sandoyartunlum, segði við útvarpið um vikuskiftið, at tað serliga er tann tunga ferðaslan, sum manglar í Eysturoyartunlinum.

Í dag kostar tað 420 krónur at koyra annan vegin við lastbili ella trailara. Við haldi er prísurin 320.

Um ein fyritøka koyrir nógv gjøgnum tunnilin, fær hon eyka avsláttur.

Eysturoyartunnilin, ferðsla

Prísurin skal niður móti 200 kr. 

Faroe Ship hevur umleið 18 stórar bilar norðanfjørðs, sum møguliga kundu nýtt tunnilin.

Men prísurin skal niður á 250 krónur hvønn vegin, áðrenn tað verður aktuelt at koyra allar bilarnar gjøgnum Eysturoyartunnilin, sigur Fróði Løkságarð, rakstrarleiðari í Faroe Ship. 

Høj Flutningur, ið er ein fyritøka á Strondum, hevur 12 stórar bilar. Men sum oftast velur fyritøkan at koyra gjøgnum Sundalagið.

Hjá Høj Flutningi skal prísurin niður á 200 krónur hvønn vegin, áðrenn teir umhugsa at koyra allar bilarnar gjøgnum tunnilin, sigur Elias Høj, stjóri og eigari í Høj Flutningi.