Skeivt at føroysk farmaskip ikki sleppa at sigla við farmi til Grønlands

- Tað er skeivt at føroysk farmaskip ikki sleppa at sigla við farmi til Grønlands, meðan grønlendsk farmaskip kunnu føra farm til Føroya.

Tað sigur Magnus Rasmussen, landsstýrismaður í vinnumálum, sum ætlar at seta seg í samband við grønlendska landsstýrið.

Í fjør setti undanfarni vinnumálaráðharrin, Helgi Abrahamsen, seg eisini í samband við grønlendskar myndugleikar um hetta, tó uttan úrslit.

Fyri tveimum vikum síðani segði Mariane Paviasen, grønlendska landsstýriskvinnan í samferðslumálum, at ongar ætlanir vóru um at loyva fleiri veitarum á sjóvegis farmaflutningsleiðunum til Grønlands.

Magnus Rasmussen,landstýrismaður