Skeið í argentiskum tango verður hetta vikuskiftið. Í hesum sambandi fingu vit vitjan av Annu Hudepohl, Sverra Poulsen og Jørg Bøttger. Síðst nevndi er týskari og er komin til Føroya at undirvísa í tango. Anna og Sverri tóku stig til verkætlanina. Guðrið Hansdóttir gevur út nýtt staklag. Vit ringdu til hana í sambandi við tað. Vetrarjazzur veruðr um vikuskiftið og restina av mánaðinum. Anna Iachino frá Havnar Jazzfelagi kom á gátt at greiða frá skránni. Umfram hana vóru Deborah Herbert, Brandur Jacobsen og Arnold Ludvig við, og sum skulu spæla á Vatrarjazzi. Bárður og Pauli Reinert Poulsen spæla í bólki saman undir navninum Poulsen Brothers. Teir geva út nýtt jazlag, og í hesum sambandi vitjaðu teir okkum til eitt prát. Vit vóru á gátt hjá Visit Tórshavn og frættu frá Sonju Johannesen um, hvat er á vási í Havn um vikuskiftið. Bygdalega verður í Hvannasundi / Norðdepli. Vit ringdu í hesum sambandi til Alith í Frammistovu. Gott vikuskifti! :-)