Arbeiðsgevarar brúka nú eisini arbeiðsmegi úr triðjalondum

Arbeiðsgevarar brúka dúgliga skipanirnar, sum geva atgongd til útlendska arbeiðsmegi.

Bæði, tá talan er um útlendska arbeiðsmegi í ES og arbeiðsmegi úr triðja londum.

Skipanin hevur nú verið í gildi í tríggjar mánaðir, og gongdin hevur verið góð, sigur Sólva Dam deildarleiðari á Útlendingastovuni.

Áðrenn Fast Track skipanin kom í gildi, var tað drúgt og umsitingarliga tungt at fáa avgreitt arbeiðsloyvi til arbeiðsmegi úr triðjalondum.

Styttri avgreiðslutíð

Tað tók 2-3 mánaðir og longur. Við nýggju skipanini skal undangóðkenningin verða avgreidd eftir í mesta lagi 10 døgum, og umsóknir um arbeiðsloyvi skulu verða avgreiddar eftir í mesta lagi 30 døgum.

Fast Track-skipanin fer úr gildi, um arbeiðsloysið í Føroyum fer upp um 3,5 prosent.

Hoyr innslag í útvarpstíðindum.

Sólva Dam

Sólvá Dam er deildarleiðari á Útlendingastovuni.