- Tíðindi, mentan og ítróttur
Ukrainsk flóttafólk: Takk Føroyar
07.03.2022 - 12:46
Innlendis
Ukrainsk flóttafólk: Takk Føroyar
65 ára gamla Nadja Shvets og 70 ára gamli Alexander Shvets noyddust at flýggja úr býnum Kirovagrad í Ukraina til dóttrina og familju hennara í Rituvík
Ein kensluborin løta við markið millum Ukraina og Pólland, tá Nadja og Maria Shvets, móður og dóttir, kundu hálsfevnast
Mynd: Gestur Lómstein
"Takk Føroyar," vóru orðini frá 65 ára gomlu Nadja Shvets, tá hon kom um markið til Póllands saman við manninum, 70 ára gamla Alexander Shvets.
Fyri teimum stóð dótturin Maria Shvets Olsen og maður hennara, Ken Olsen, sum vóru klár at taka tey bæði við sær til Føroya og Rituvíkar.
Og seinnapartin lenda tey øll í Vágum.
Harvið verða Nadja og Alexandur fyrstu ukranisku flóttafólkini, sum koma til Føroya.
Nadja Shvets, Maria Shvets Olsen, Ken Olsen og Alexander Shvets klokkan fimm sunnumorgunin við markið millum Ukraina og Pólland.
Strævin ferð
Nadja Shevets og maðurin, Alexander Shvets, høvdu havt eina strævna ferð, sum byrjaði í Kirovagrad mitt í Ukraina fríggjadagin.
Tey vita ikki nær ella um tey síggja heimið í Ukraina aftur.
Hoyr reportasjuna, ið John Johannesen, journalistur, og Gestur Lómstein, miðlatøkningur, hava sent heim frá markinum millum Ukraina og Pólland.
John Johannesen og Gestur Lómstein
Er kopiera
Sí eisini
Nýggjastu sendingar í ÚV
Nýggjastu sendingar í SV
