Fyrrverandi verjumálaráðharri: Ukraina er í ferð við at tapa kríggið

Fyrrverandi ukrainski verjumálaráðharrin, Mykhajlo Fedorov, ávarar um, at Ukraina er í ferð við at tapa kríggið ímóti Russlandi.

Tað sigur hann í samrøðu við tíðindastovuna Reuters.

Sambært fyrrverandi verjumálaráðharranum gera millum annað mutur og vantandi nýhugsan, at landið nú stendur seg verri í krígnum.

Neyðugt er við eini ætlan, sum skal gera enda á krígnum, leggur hann aftrat, skrivar Reuters.

Forsetin visir atfinningunum aftur

Ukrainska forsetaskrivstovan vísir atfinningunum hjá Fedorov aftur, og sigur, at hann hevur broytt støðu, síðani hann fekk sekkin sum verjumálaráðharri.

35 ára gamli Mykhajlo Fedorov var koyrdur frá sum verjumálaráðharri í síðsta mánaði.

Hann hevur fleiri ferðir heitt á Volodymyr Zelenskyj, forseta, um at skriva út val. Eisini í krígstíð.