Aksel V. Johannesen: Ómoralskt, óetiskt og pínligt fyri Føroyar 

Tað hevur drigið út at fáa uppskotið um revsitiltøk móti Russlandi í løgtingið. 

Sunnudagin eru tað tveir mánaðir, síðani russiska innrásin í Ukraina byrjaði.

Í gjár var greitt, at samgongan ikki er samd um at geva landsstýrismanninum í uttanríkismálum heimildina til at seta revsitiltøk í verk móti Russlandi.

Formaðurin í Javnaðarflokkinum, Aksel V. Johannesen, finst hvassliga at samgonguni fyri ikki at standa saman um at seta revsitiltøkini. 

Serliga tann sannroynd, at partar av Fólkaflokkinum taka pengar fram um alt annað, og ikki vilja geva landsstýrismanninum neyðugu heimildirnar, heldur Aksel V. Johannesen vera bæði ómoralska, óetiska og pínliga fyri Føroyar.