Ósemja á Christiansborg um ES-revsitiltøk

Ósemja á Christiansborg um ES-revsitiltøk
Eindarlistin og Danski fólkaflokkurin mæla til, at føroysk skip sleppa í danskar havnir, hóast ES-stongsulin skal umfata allar havnir í samveldinum
Á Christiansborg er ósemja um ES-revsitiltøkin móti Føroyum.
 
26.07.2013 - 09:36

ES-nevndin fyri fiskivinnu og aling fer mikudagin við stórum meiriluta at samtykkja revsitiltøk móti Føroyum. Tiltøkini koma í gildi í fyrsta lagi 8.august, um minni enn tvær vikur.

Stórur meiriluti
Danmark fer at atkvøða nei mikudagin. Men tað ger ongan mun, tí stórur meiriluti, og tann neyðugi meirilutin, verður fyri uppskotinum, hevur danska stjórnin fingið ábendingar um.

Millum londini, sum fara at samtykkja revsitiltøkini móti Føroyum, eru Bretland, Írland, Frakland, Spania, Niðurlond og Portugal.

Hini bæði Norðurlondini í ES, Svøríki og Finnland, og Estland taka undir við Føroyum og Danmark. Tað gjørdu tey í øllum førum á seinasta fundinum hjá fiskimálaráðharrunum í ES. 

Danmark tekur ikki støðu
Danski matvøruráðharrin, Mette Gjerskov, sigur, at Danmark tekur ikki støðu til skuldsetingarnar móti Føroyum um ovfisking. Danmark hugsar um ríkisfelagsskapin, tá Danmark fer at atkvøða móti revsitiltøkunum hjá ES.

Tey, sum strongja harðast á ES at revsa Føroyar, vilja eisini hava handilstongsulin at umfata alifóður og aldan laks. Men so rívan fer ES tó ikki at taka til.

Norðhavssild sum alifóður
Uppáhaldið er, at fóðrið, sum føroyski alilaksurin fær, er gjørt úr norðhavssild og makreli. Tí hevur Havsbrún, sum ger alifóðrið, afturvíst.

Og hvørki laksur, fiskamjøl og lýsi eru við í uppskotinum, sum ES-nevndin fyri fiskivinnu og aling fer at atkvøða um mikudagin.
 

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592