Fingu skeiva ráðgeving um goymslutorn í H-bygninginum

Skeiv ráðgeving ger H-bygningin munandi dýrari enn higartil mett.

Sonevnda goymslutornið kann ikki brúkast, tí tað leggur ikki upp fyri, at steriliseraðar vørur mugu vera atskildar frá øðrum vørum.

Tað váttar Jón Sólsker, verkætlanarsamskipari fyri H-bygningin vegna byggiharran Landsverk.

Hann sigur, at Landsverk fer at kanna, um ráðgevin eigur at ábyrgjast fyri feilin, men skal H-bygningurin gerast liðugur, noyðist landskassin at leggja pengarnar út.

Hoyr longri samrøðu við Jón Sólsker í útvarpstíðindunum.

Jón Sólsker

Jón Sólsker er verkætlanarsamskipari fyri Landsverk. (Mynd: Bjarni Árting Rubeksen)