Løgmaður mælir til at selja Hotel Hilton

Atlantsflog eigur at selja sín part av Hotel Hilton á Staravegnum í Havn, og kanska skal farast undir arbeiðið longu í heyst.

Tað heldur Bárður á Steig Nielsen, løgmaður.

Tá hann var í andstøðu, helt tað hann eisini vera skeivt, at Atlantsflog sum alment partafelag bygdi gistingarhús.

Privatu hotellstjórarnir - teirra millum Johannes Jensen, sum er stjóri á Gist & Vist - halda framvegis hotellverkætlanina hjá Atlantsflogi vera burturvið.

Løgmaður sigur nú, at hann fer í næstum at taka stig til, at Atlantsflog selur sín part av virkseminum í hotellinum, kanska longu í heyst.

Hoyr innslag í útvarpstíðindunum.

Meira verður um hotelverkætlanina hjá Atlantsflogi í sjónvarpinum í kvøld.

Sjónvarpið sendir sendingina "Hilton - á almennum veingjum" eftir Dag og viku.

myndareportasja Hotel Hilton 30

Á Hotel Hilton Garden Inn. (Mynd: Bjarni Árting Rubeksen)

Greinin er dagførd tann 11.05.2022, klokkan 14.23. Í innslagnum verður sagt, at løgmaður heldur, at hotellið skal kanska seljast í heyst. Tað er ikki heilt rætt. Eydnast ferðavinnusummarið væl, kann farast undir arbeiðið at selja í heyst, heldur hann.