Ammoniakk heldur enn olju

Kann ammoniakk brúkast sum brennievni í staðin fyri olju?

Tað er spurningurin, sum føroyska frálandareiðaríið Skansi Offshore er farið at kanna saman við norska orkufelagnum Equinor. 

Føroyska felagið hevur nevniliga skrivað undir ein nýggjan sáttmála við Equinor, har miðað verður eftir at gera neyðugar broytingarnar á Kongsborg, so tað kann rekast við ammoniakk sum brennievni.

Um verkætlanin ber á mál, kann tað merkja eina minking í útlátinum hjá Kongsborg við 90 prosentum. Tað upplýsir Jens Meinhard Rasmussen, stjóri í Skansi Offshore. 

Hoyr alla samrøðuna við at trýsta á pílin undir myndini.