Miðbýarætlanin í Runavík verður tillagað

18.01.2023 - 19:08

Innlendis›Samfelag

Tað fer ikki at broyta stórvegis við miðbýarætlanina í Runavík, at vinnubygningurin hjá Zacharias Leitisstein verður umbygdur til at ein íbúðarbygning, sigur borgarstjórin

Kári Mikkelsen

0 seconds of 0 secondsVolume 90%

00:00

Soleiðis sær miðbýarætlanin í Runavík út. Í hesi útgávuni, so er handilsbygningurin hjá Zacharias Leitisstein tikin niður

Í gjár hoyrdist, at felagið Zacharias Leitisstein er selt, og umframt at reka virksemið víðari, hava nýggju eigararnir ætlanir um at byggju íbúði oman á gamla handilsbygningin hjá Zacharias Leitisstein.

Talan er eisini um eitt ídnaðarøki í Runavík.

Spurningurin er, hvussu hetta passar inn í miðbýarætlanirnar hjá Runavíkar kommunu, sum Ósbjørn Jacobsen, arkitektur, hevur gjørt uppskot til?

Miðbýarætlanin er eitt uppskot, ið verður tillagað soleiðis, at ætlanin hjá nýggju eigarunum av Zacharias Leitisstein passar inn í miðbýarætlanina, sigur Tórbjørn Jacobsen, borgarstjóri.

Miðbýarætlanin bleiv neyvt lýst av Tórbirni Jacobsen, borgarstjóra, í einum innslagi um innkomuvegin í 2018.