a verið úti á gøtuni, og mótmælt Netanyahu-stjórnini.

Tað, sum av álvara hevur fest í mótmælishugan eru ætlaninar, um broytingar í rættarlógini.

Essensurin í uppskotinum er, at politiska skipanin skal fáa  størri ávirkan á, hvør verður valdur til dómara í rættarskipanini.

Men eftir ein rokmiklan dag í gjár, har verkfall var lýst og hundratúsundtals fólk fóru út á gøturnar at mótmæla, trein forsætisráðharrin Benjamin Netanyahu fram á skíggjarnar í gjárkvøldið. Har kunngjørdi hann, at lógaruppskotið nú bleiv útsett. Ikki slept, men útsett til næstu tingsetu, sum byrjar um smáar tveir mánaðir.

Allan Sørensen, tíðindamaður hjá Kristeligt Dagblad í Ísrael, greinar politisku støðuna í Ísrael. 

75 ár við heimastýri
Fríggjadagin 31. mars eru tað 75 ár liðin síðan, at Heimastýrislógin bleiv lýst. 

Og við henni bleiv grundarlagið lagt fyri tí politisku skipanini, sum føroyingar hava virkað í seinastu 75 árini. 

Vit tosa við Hans Andrias Sølvará, professara í søgu, um millum annað upprunan til lógina, hvør vildi hava hana og hvussu hon hevur hilnast? 

Gestir: Allan Sørensen og Hans Andrias Sølvará
Gjørt sendingina hava Marjun Dalsgaard, Tróndur Olsen og Hallur av Rana, sum eisini var redaktørur.