Samgongan sitið í 100 dagar

Javnaðarflokkurin, Tjóðveldi og Framsókn hava í góðar tríggjar mánaðir sitið við landsins leiðslu, og spurningurin er so, um hetta sæst aftur.

– Tey hava sjálvandi sett síni fingramerki á førda politikkin hesa tíðina, sigur Eirikur Lindenskov, blaðstjóri á Sosialinum og politiskur viðmerkjari.

Tó heldur hann tað vera merkisvert, so samd samgonga og andstøða vóru í viðgerðini av fíggjarlógini, sum eisini varð samtykt einmælt í løgtinginum í vikuni.