Meira enn hálva øld sum kirkjutænari

86 ára gamli sandavágsmaðurin er takksamur fyri at hava kunna staðið í hesi tænastuni í so drúgva tíð.

Heini F. Petersen byrjaði at avloysa sum deknur seinast í sekstiárunum, og hann læs ofta, til hann gjørdist fastur deknur í 1997.

Hann hevur eisini verið í kirkjuráðnum í Sandavági í 45 ár, harav 28 sum formaður.

Heini F. Petersen er søgufróður maður, og hann hevur eisini  óteljandi ferðir verið í kirkjuni og greitt fremmandafólki frá um kirkjurnar, ið hava verið í Sandavági og um heimbygd sína.

Mynd: Fía Selma Nielsen, jn.fo