Bakkafrost vil aftur sleppa at keypa síni egnu partabrøv

17.04.2023 - 18:00
AktueltVinna
Bakkafrost vil aftur sleppa at keypa síni egnu partabrøv
Heimildin, sum Bakkafrost hevði í sínum egnu viðtøkum, um at keypa egin partabrøv, gekk út fyri einum ári síðan. Men nú vil nevndin fegin hava hesa heimildina aftur
Høvuðssætið hjá Bakkafrosti á Glyvrum
Mynd: Savnsmynd  

Á aðalfundinum hjá Bakkafrost, sum verður 28. apríl, verður skotið upp, at nevndin í felagnum aftur fær heimild at keypa egin partabrøv.

Nevndin hevur havt hesa heimildina, men hon gekk út á aðalfundinum í 2022, og tískil er talan um, at nevndin skal fáa somu heimild aftur.

Til aðalfundin hjá Bakkafrosti skjýtur nevndin eisini upp, at vinningsbýtið upp á 10 krónur fyri hvørt partabræv verður goldið til partaeigarar, svarandi til eina samlaða upphædd upp á 591 mió. krónur.

Øll nevndin stendur fyri afturvali.
 

Regin Jacobsen, stjóri í Bakkafrost, sigur, at tað er ikki óvanligt, at fyritøkur keypa egin partabrøv, og tað hevur Bakkafrost eisini gjørt í fleiri førum. Og tað eru fleiri endamál við at kunna keypa egin partabrøv.

 

Eingin avmarking

Í gomlu heimildini, sum gekk út í 2022, var ein avmarking, sum segði, at nevndin kundi í mesta lagi keypa egin partabrøv, svarandi til 10% av samlaða partapeninginum.

Nevndin skjýtur upp, at hendan avmarkingin nú verður strikað.

Regin Jacobsen, stjóri í Bakkafrost, sigur, at avmarkingin uppá 10% var ein lógarkravdur partur av gomlu heimildini. Men tann lógin er ikki galdandi longur, og tí verður skotið upp, at avmarkingin verður tikin burtur í nýggju heimildini, sum aðalfundurin skal taka støðu til 28. apríl.

Sambært uppskotinum skal heimildin vera galdandi fram til vanliga ársaðalfundin í 2028.

Keyp av egnum partabrøvum skal fara fram til eitt kursvirði, sum svarar til almenna kursvirðið á virðisbrævamarknaðinum, men nevndin kann undir serligum umstøðum víkja frá almenna kursvirðinum við upp til 10%, verður sagt í uppskotinum.
 

 
Er kopiera

Tak niður

Nýggjastu sendingar í ÚV
Mánadag 2. oktober
Norðurljóð 2.oktober 2023
163639
Mánadag 2. oktober
Til lukku við FM KÍ
163642
Mánadag 2. oktober
Biit 28. sept. 2023
163630
Mánadag 2. oktober
Millum, til, vegna, innan, uttan og føll
163623
Nýggjastu sendingar í SV
Sunnudag 1. oktober
Andakt við Tóru við Keldu
163608
Sunnudag 1. oktober
Guðstænasta úr Argja kirkju
163584
Fríggjadag 29. september
Veðrið
163552
Týsdag 26. september
Veðrið
163385
Mánadag 25. september
Møti úr Vitninum í Hvalba
163262