Bakkafrost vil aftur sleppa at keypa síni egnu partabrøv

17.04.2023 - 18:00
InnlendisVinna
Bakkafrost vil aftur sleppa at keypa síni egnu partabrøv
Heimildin, sum Bakkafrost hevði í sínum egnu viðtøkum, um at keypa egin partabrøv, gekk út fyri einum ári síðan. Men nú vil nevndin fegin hava hesa heimildina aftur
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Høvuðssætið hjá Bakkafrosti á Glyvrum
Mynd: Savnsmynd  

Á aðalfundinum hjá Bakkafrost, sum verður 28. apríl, verður skotið upp, at nevndin í felagnum aftur fær heimild at keypa egin partabrøv.

Nevndin hevur havt hesa heimildina, men hon gekk út á aðalfundinum í 2022, og tískil er talan um, at nevndin skal fáa somu heimild aftur.

Til aðalfundin hjá Bakkafrosti skjýtur nevndin eisini upp, at vinningsbýtið upp á 10 krónur fyri hvørt partabræv verður goldið til partaeigarar, svarandi til eina samlaða upphædd upp á 591 mió. krónur.

Øll nevndin stendur fyri afturvali.
 

Regin Jacobsen, stjóri í Bakkafrost, sigur, at tað er ikki óvanligt, at fyritøkur keypa egin partabrøv, og tað hevur Bakkafrost eisini gjørt í fleiri førum. Og tað eru fleiri endamál við at kunna keypa egin partabrøv.

 

Eingin avmarking

Í gomlu heimildini, sum gekk út í 2022, var ein avmarking, sum segði, at nevndin kundi í mesta lagi keypa egin partabrøv, svarandi til 10% av samlaða partapeninginum.

Nevndin skjýtur upp, at hendan avmarkingin nú verður strikað.

Regin Jacobsen, stjóri í Bakkafrost, sigur, at avmarkingin uppá 10% var ein lógarkravdur partur av gomlu heimildini. Men tann lógin er ikki galdandi longur, og tí verður skotið upp, at avmarkingin verður tikin burtur í nýggju heimildini, sum aðalfundurin skal taka støðu til 28. apríl.

Sambært uppskotinum skal heimildin vera galdandi fram til vanliga ársaðalfundin í 2028.

Keyp av egnum partabrøvum skal fara fram til eitt kursvirði, sum svarar til almenna kursvirðið á virðisbrævamarknaðinum, men nevndin kann undir serligum umstøðum víkja frá almenna kursvirðinum við upp til 10%, verður sagt í uppskotinum.
 

 
Er kopiera
Nýggjastu sendingar í ÚV
Mánadag 19. mai
Góðan morgun Føroyar
192041
Sunnudag 18. mai
Bolero
192020
Sunnudag 18. mai
Guðstænasta í Leirvíkar kirkju
192015
Sunnudag 18. mai
Kallið: "Tað bar á mál".
191902
Leygardag 17. mai
Jambalaja - 170525
191991
Nýggjastu sendingar í SV
Sunnudag 18. mai
Andakt
192017
Sunnudag 18. mai
Guðstænasta úr Leirvíkar kirkju
192018
Sunnudag 18. mai
FM í estetiskum fimleiki 2025
192023
Fríggjadag 16. mai
KAKUMiKS (7:7)
191925
Fríggjadag 16. mai
Guðstænasta úr Havnar kirkju
191959