Innfluttu 12 tons av snúsi í fjør

Seinastu 11 árini er innflutningsvirði á snúsi vaksið úr 900.000 krónum upp í sjey milliónir krónur.

Í nøgdum merkir tað, at í fjør innfluttu Føroyar 12 tons av snúsi í mun til sjey tons í 2011. 

Snús

Hóast vit ikki hava føroysk tøl fyri snúsnýtslu, vísir Fólkaheilsustýrið á tøl frá Hagstovuni sum vísa, at innflutningurin er vaksin nógv. 

- Tað er tekin um eitt rák, at innflutningsvirðið á snúsi er hækkað úr 900.000 krónum upp í sjey milliónir krónur upp á 11 ár, heldur Snorri Patursson, kostfrøðingur í Fólkaheilsustýrinum

Snorri Patursson

Snorri Patursson heldur, at ávaringarnar um vandan við snúsi skulu gerast meira sjónligar.

Samanborið við sigarettir, er snús ikki eins væl regulerað, og málbólkurin er breidri.