Kristnastova 50 ár: Vit eru sum ein familja

Fríggjadagin í síðstu viku fylti Kristnastova 50 ár.

Kristnastova er eitt andaligt heim fyri føroyingar í Keypmannahavn. Og tað hevur tað verið í nógv ár.

Fyri 50 árum síðani – í septembur í 1973 – bjóðaðu Susan og Øssur Berghamar inn til fríggkakvøldssamkomu fyri fyrstu ferð.

Kristnastova

Íblásturin til Kristnastovu, kom ikki av ongum. Áðrenn høvdu Øssur og Susan Berghamar verið við í Operatión Josua.

Operation Josua var ein felagsskapur, har ung fólk úr samkomum og kirkjum komu saman fyri at skipa fyri til tiltøkum. Tiltøkini vóru eitt aftursvar uppá uppreistrarsinnaða rákið, sum merkti danska samfelagið.

Hetta var eisini um sama mundi at frístaðurin Christiania kom til, og gjørdist tí eisini ímyndin av einum ættarliði, sum ynsktu at frígera seg frá øllum bindandi bondum. Hagar leitaðu nógv ungfólk, ið ynsktu at liva, sum tey vildu, eisini føroyingar.

Men hetta førdi eisini til andaliga fylking millum trúgvandi. Karismatiska rørslan byrjaði at koma fram, og hetta kom eisini at ávirka trúðarlívið í Danmark. Unge Kristne gjørdist ein nýggj rødd, ið hoyrdist í samfelagnum. Alt hetta gav íblástur til Kristnastovu, sum í dag livir í besta blóma.

Øssur Berghamar

80 ára gamli Øssur Berghamar hevur leitt Kristnastovu í fleiri ára tíggju. Hóast hann ikki longur er fyristøðumaður í Kristnastovu, er hann framvegis nógv virkin í samkomuni. 

Niels Pauli Nónstein

Niels Pauli Nónstein hevur eisini nógv ár á baki sum fyristøðumaður í Kristnastovu. Hann leiddi samkomuna í 13 ár, men fyri stuttum fluttur heim til Føroya. Tó var hann við hetta kvøldið, nú Kristnastova fylti 50 ár.

thumbnail_image1.jpg

Áleið 140 føroyingar høvdu leitað sær í Kristnastovu hetta kvøldið, nú Kristnastova fylti 50 ár.