Høvuðskokkur helt jól á karaoke-bar í Keypmannahavn

Jógvan S. Rasmussen, kokkur, flutti til føroya fyri einum ári síðani. Han fekk starv á Áarstovu í Havn og er í dag høvuðskokkur í matstovuni Heima í Havn. Jógvan minnist aftur á barnaárini, har tað heima hjá teimum var siðvenja at eta turt kjøt við køldum eplum jólaaftan. Sum vaksin - og stakur uttan børn - hevur Jógvan ikki lagt seg eftir at halda eini "vanlig" familjujól og hevur heldur leitað sær á Sams Bar í Keypmannahavn saman við fólki í somu støðu sum hann sjálvur. -Ja, mong liva sum støk í danmark, og sama man vera galdandi fyri Føroyar. Tað er bara ein spurningur um tíð, til okkurt stað í Føroyum fer at hava opið á jólum av tí orsøk, heldur Jógvan og leggur afturat, at tað onki er galið við at halda jól einsamallur ella kanska als ikki halda jól. Men í ár fer Jógvan niður til Danmarkar saman við beiggja sínum Bergi at halda jól saman við foreldrunum í Sydhavn í Keypmannahavn. Og tá hevur hann skjáttuna fulla av føroyskum mati við sær. Tá vikuskiftisverturin situr saman við einum høvuðskokki, er upplagt at spyrja hann um góð ráð til jóladøgurðan. Jógvan S. Rasmussn, høvuðskokkur í Áarstovu, gevur her sítt boð uppá, hvussu hann ger jóladunnu. Hetta er annars longra versiónin av innslagnum, sum varð sent í sendingini Vikuskiftið 8. desember 2023.