Minni arbeiði til ferðaleiðarar

Eigararnir í Trælanípuni í Vágum taka ikki undir við uppskotinum hjá landsstýrismanninum um burðardygga ferðavinnu, sum tað nú eitur.

Teir hava í fleiri ár skipað fyri túrum út til Trælanípuna - eitt stað, sum er sera vælumtókt hjá ferðafólki at síggja.

Teir hava tikið pengar frá útlendingum og frá bólkum, ið hava gingið túrin.

Gunnar R. Nattestad, limur í hagastýrinum í Nípuhaga, metir, at uppskotið gevur minni arbeiði til ferðaleiðarar.

Hann sigur, at við uppskotinum endar lítið av inntøkunum frá ferðavinnuni úti í staðbundna økinum.