Møguleikarnir at taka atlit til náttúruna verða avmarkaðir

Formaðurin í Yvirfriðingarnevndini, Henrik Møller, sorinskrivari, er samdur við hoyringarskrivinum frá Tjóðsavninum um Suðuroyartunnilin.

Ein linjuføring staðfest í lóg avmarkar møguleikarnar hjá myndugleikum til at taka atlit at náttúruni, um kanningar og árin ikki eisini koma í lógina. 

Enn eru friðingarmyndugleikarnir ikki tiknir við uppá ráð um Suðuroyartunnilsverkætlanina, hóast søkjast skal um loyvi um so rúgvismiklar verkætlanir.

Men tað er óskynsamt at bíða ov leingi við at venda sær til Yvirfriðingarnevndina, sigur Henrik Møller, sorinskrivari og formaður í Yvirfriðingarnevndini.