Heimildarfilmurin Birita, sum Búi Dam, pallista- og filmsleikstjóri, hevur gjørt um mammu sína, ið livir við alzheimer, hevði frumframførslu í Løkshøll leygardagin. Filmurin lýsir tilgongdina at seta stórverkið hjá William Shakekspeare "King Lear" upp við Biritu í høvuðsleiklutinum.
Vit tosa við Búa um filmin, endamálið, etisku tvístøðurnar og hvat hann hevur lært og fingið burtur at gera filmin.

Vit vitja eisini í Hoydølum har Turið Jóhansdóttir og Jens L. Thomsen arbeiða við fyrstu heildarútgávuni hjá Turið. Turið er føroysk, men uppvaksin í Danmark, og hevur valt at gera sína útgávu í Føroyum saman við einum føroyskum framleiðara fyri at fáa betri samband við sínar føroysku røtur. Vit tosa við Turið um útgávuna, og við Jens um hesa og aðrar verkætlanirnar, hann arbeiðir við.