Verða inntøkurnar ikki øktar, ella útreiðslurnar skerdar, má ein vaksandi partur av almennu útreiðslunum fíggjast við lántøku, og tað elvir til ein áhaldandi skuldarvøkstur.<br/>
Longu um 10 ár verður hallið í almenna geiranum ein milliard krónur. Haldførisavbjóðingin kann loysast, men tað krevur, at politisku myndugleikarnir fara undir miðvísar tillagingar í stundini.<br/>
Tað sigur Búskaparráðið nýggju halførisfrágreiðingini, sum verður løgd fram fyrrapartin.<br/>
- Hann sær nokk so fittur út, og tí vil man ikki fara eftir honum, men í veruleikanum er hetta eitt skaðadjór.<br/>
- Tað er eingin ivi um, at hetta er ein alvorligur kappingarneyti, sum eigur at verða hildin niðri.<br/>
Millum annað soleiðis ljóðaði í løgtinginum fyri nøkrum vikum síðani.<br/>
Og nei, talan var ikki um úlv ella rottu, men um kóp. <br/>
Orðini eiga tingmenn, sum vilja loyva kópaveiðu í Føroyum.<br/>
Tað er eingin lóg, sum skipar kópuveiðu, men tað skal nú vera, sigur landsstýrismaðurin í fiskivinnumálum, Bárður á Steig Nielsen.<br/>
Sendinginga gjørdu Birita Matras Petersen og Katrin Johannessen, sum eisini var redaktørur.