Fólk komin úr Danmark at kanna skottilburð

Sjey fólk komu úr Keypmannahavn til Føroya í gjár at kanna skottilburðin í Miðvági mánakvøldið Talan er um seks politifólk og ein rættarmedisinara.

Politiið í Keypmannahavn og Ríkispolitiið kanna tilburðin. Politiið í Føroyum kann ikki kanna seg sjálvt, sigur Michael Boolsen, fúti.

 >> SÍ EISINI Skottilburður í Miðvági

Tá kanningin er liðug, verður hon løgd fyri statsadvokatin, sum so avger, hvat víðari skal henda.

Den uafhængige politiklagemyndighed, sum kannar politiið í Danmark, virkar ikki í Føroyum og í Grønlandi.

Ikki fyrr enn nýggja rættargangslógin kemur í gildi í Føroyum 1. januar í 2021, kemur Den uafhængige politiklagemyndighed eisini at virka í Føroyum.