MFS mótmælir ætlaðum sparingum

Vandi er fyri, at tilgongdin at altjóðagóðkenna føroysku útbúgvingarnar á Fróðskaparsetri Føroya dettur niðurfyri.

Tað heldur Meginfelag Føroyskra Studenta, sum harmast um, at meirilutin í Fíggjarnevndini hevur skorið umleið hálva aðru millión krónur av játtanini, sum millum annað skuldi brúkast til at seta eitt starvsfólk at arbeiða við Bologna-tilgongdini.

Broytingaruppskotið hjá meirilutanum varð samtykt, tá løgtingið atkvøddi um fíggjarlógina.