Brandur H. Olsen fer til Svøríkis

Tað skrivar svenska blaðið KvællsPosten í dag.

Brandur H. Olsen hevur skrivað undir avtalu við fótbóltsfelagið Helsingborg IF í Skåne, og verður longu presenteraður fyri svenska liðnum innan ársskiftið, skrivar Kvællsposten. Brandur fer sostatt frá íslendska felagnum, FH Hafnarfjørður.

Brandur H. Olsen er ættaður úr Skálavík, hann er uppfostraður í B71 á Sandi og í FC Keypmannahavn, og skrivaði undir fyrsta professionella sáttmálan við danska felagið í 2014, -  tá var hann bert 20 ára gamal.